Po protestonte që të mos i prishnin shtëpinë, babai hedh fëmijën nga çatia

Një baba ka hedhur vajzën e tij një vjeçe nga tarraca e banesës ku jetonin, në shenjë proteste që të mos ia shkatërronin shtëpinë.

38-vjeçari nga afrika e Jugut ishte duke protestuar së bashku me një turmë njerëzish kundër vendimit për t'iu prishur barakat në qytetin e Kwadwesi në Porth Elisabeth, në bregun lindor të Afrikës.

Turma që e shoqëronte burrin po brohoriste dhe po i jepte "zemër" babait që të merrte aktin ekstrem.

Fatmirësisht poshtë barakës ku ata protestonin u mblodhën shumë policë, të cilët e shpëtuan vajzën 1-vjeçare.

Fëmija iu dha nënës, ndërsa është nën mbikqyrjen e shërbimeve sociale. Fotot kanë bërë xhiron e rrjetit, ndërsa në to shihet babai teksa rrotullon fëmijën në ajër, duke e mbajtur vetëm për këmbë, para se ta hedhë nga çatia.

Gjithashtu një nga policët që po i ruante protestuesit, u ngjit në çati dhe arrestoi menjëherë agresorin.

Mbi të tashmë qëndron akuza e vrasjes në tentativë, pasi foshnja ka rrezikuar seriozisht jetën duke fluturuar nga çatia e shtëpisë.