Elisa Spiropali zbarkon në Parlament me një makinë të re luksoze

Elisa Spiropali është një nga deputetet më të përfolura të parlamentit, sidomos pasi krahasoi Skënderbeun me Edi Ramën.

Por përtej deklaratave politike, ajo shquhet edhe për veshjet e bukura dhe pamjen e kuruar deri në detaje.

Ditën e sotme, edhe pse e gjithë qendra e Tiranës ishte paralizuar nga protestuesit, Elisa është shfaqur më "shik" se kurrë, duke treguar madje edhe makinën e saj të re.

Ajo u pa teksa po hipte në një makinë shumë luksoze, një “Mercedes” tip i fundit.

Ishte hera e parë që Elisa fotografohej me ketë makinë.

Në mbarim të seancës, makina me shoferin e saj e priste deputeten tek oborri i Parlamentit.

Ndërkohë, çmimet mesatare të makinës në fjalë janë mes 35 000 - 40 000 eurove për prodhimet e vitit 2015-2017 në varësi të gjendjes teknike të makinës, ndërkohë që të reja arrijnë deri në 45-50 000 euro.