Shifër e frikshme, Joshua mbulohet me para brenda natës

"Mbreti" i boksit, Anthony Joshua arriti të mbronte fronin e tij edhe në duelin e fundit të zhvilluar në Kardif, ndaj Jospeh Parker.

Me këtë triumf, Joshua ka arritur të mbrojë me sukses titujt WBA dhe IBF, ndërsa i rrëmbeu Parkerit brezin e WBO duke u bërë kampion absolut.

Përveç titujve, britaniku ka fituar një mal me para.

Raportohet se Anthony Joshua ka fituar plot 20.5 milionë euro nga përballja me boksierin nga Zelanda e Re brenda një nate.

Përveç se njeriu më i fortë në botë, Joshua është edhe një nga sportistët më të paguar në planet, pasi shifrat që fiton pas ndeshjeve, janë stratosferike.