Protesta në Kalimash, policia arreston në 3 të natës kuksianët

Disa persona janë arrestuar gjatë orëve të para të kësaj dite në qytetin e Kukësit, pas protestave të dhunshme, djegies dhe shkatërrimit të objekteve në vendin ku është menduar të bëhet pagesa e tarifës në Rrugës së Kombit.

Familjarët e të arrestuarve janë shprehur për News 24 se policia ka shkuar në shtëpitë e tyre rreth orës 3 të mëngjesit dhe i kanë gjetur të papregatitur për këto veprime.

Njëri prej tyre shprehet:

Policia ka ardhur në 3 të mëngjesit në banesa. Nuk dimë ku i kanë dërguar familjarët tanë".

Shumë prej familjarëve janë mbledhur pranë komisariatit të Kukësit, ndërsa deri më tani asnjë version nga policia nuk është dhënë në lidhje me të arrestuarit.