Shpërndante kokainë në ofiçinën e tij, kush është lezhiani i arrestuar?

Një 36-vjeçar ka rënë në prangat e policisë së Lezhës pasi iu gjet një sasi prej 31.36 gr lëndë narkotike e tipit kokainë.

Personi që është arrestuar mbrëmjen e djeshme nga efektivët është Izmir Gurluge me banim në Lezhë.

Gjatë kontrollit në ofiçinën e tij u gjet sasia e lëndës narkotike dhe u sekuestrua një peshore elektronike dhe një telefon celular.

Gurluge akuzohet për veprën penale “ Prodhim dhe shitja e narkotikëve”.

NJOFTIMI I POLICISË:

Lezhë

Goditet një rast i shpërndarjes së lëndëve narkotike të forta .

Sekuestrohet një sasi lënde narkotike e dyshuar “Kokainë” .

Arrestohet në flagrancë poseduesi i saj.

Në vijim të punës për kontrollin e territorit, parandalimin, evidentimin dhe goditjen e veprimtarisë kriminale në fushën e narkotikëve, Specialistët për Hetimin e Narkotikeve dhe Trafiqeve në D.V.P. Lezhë kanë goditur një tjetër rast të shpërndarjes së drogave të forta.

Bazuar dhe në informacionet e marra në rrugë operative Specialistët e Seksionit për Hetimin e Narkotikëve në Drejtorine Vendore të Policisë Lezhë, kanë organizuar punën ku bënë të mundur arrestimin në flagrancë të shtetasit :

Izmir Gurluge, 36 vjeç, banues në Lezhë.

Arrestimi i tij u bë pasi gjatë kontrollit të ushtruar në një ambjent ofiçinë, pranë baneses tij është kapur me një sasi prej 31.13 gramë lëndë e dyshuar narkotike e llojit “Kokainë” .

Në cilësinë e provës materiale u sekuestruan lënda narkotike, një peshore elektronike dhe një telefon celular.

Materialet i kaluan Prokurorisë së Rrethit Gjyqësor Lezhë për veprime të mëtejshme në ngarkim të këtij shtetasi për veprën penale “ Prodhim dhe shitja e narkotikëve” parashikuar nga neni 283/1 të Kodit Penal.