Kosova i nënshtrohet Erdoganit, arrestohen 5 drejtorët turq

Pas një sërë kërkesash nga Turqia, Kosova ka dëbuar ditën e sotme pesë përkrahës të armikut me të madh të presidentit Erdogan, klerikut Fetullah Gulen.

Mediat kosovare shkruajnë se pesë drejtues të kolegjit “Mehmet Akif” janë arrestuar mëngjesin e sotëm në Prishtinë dhe Gjakovë.

Shtetasit turq që kanë rënë në pranga mësohët se janë Mustafa Erdem, Yusuf Karabina, Kahraman Demirez, Cihen Ozkan dhe Hasan H. Gunakan.

Turqia kërkon "kokën e tyre" pasi i konsideron si përkrahës të Gulenit.

Ankaraja zyrtare ka bërë kërkesa të ngjashme edhe në vend të tjera përvec Kosovës, duke kërkuar ekstradim e një sërë shtetasish turq, të cilët i akuzon si pjesëmarrës në përpjekjen për grusht shteti.

Turqia është prej kohësh në konflikt me Greqinë mbi 5 gjeneralë turq që u strehuan në Athinë pas grushtit ushtarak, por qeveria helene nuk pranon t'ia dorëzojë Erdoganit.