Rrëfehet Lori Hoxha për njohjen me Vis Bajraktarin: Ishte i vetmi që më mbrojti

Lori Hoxha dhe Vis Bajraktari janë nga ata çifte të showbizit të cilët kanë preferuar ta mbajnë lidhjen e tyre larg kamerave.

Megjithëse kjo ka qenë zgjedhja e tyre, historia e dashurisë së trashëgimtares së Top Channel dhe të dashurit të saj është ndjekur gjithnjë me vëmendje nga mediat rozë.

Ata kanë disa vite në një marrëdhënie ndërkohë që është përfolur një dasmë e mundshme këtë verë.

Lori ishte e ftuar në emisionin radiofonik "You & Me" në NRG Radio ku dhe ka folur për njohjen me Vis Bajraktarin.

Ajo është shprehur:

Ne kemi bashkë 6 vjet e gjysmë. Jemi njohur në shkollë, nuk ishte dashuri me shikim të parë. U deshëm fillimisht si njerëz, pastaj si romantikë. Unë nuk bëj hapa të parë. E bëri ai. Kur shkova në shkollë për herë të parë, njerëzit mu turrën, kurse Visi më mbrojti. Me hodhi krahun si shok i mirë".