Prindërit përfundojnë në gjyq, i vendosën emër të pazakontë vogëlushes

Një çift francez është përballur me probleme serioze pikërisht pasi ra dakord për një emër, i cili duket se nuk është i lejuar ligjërisht.

Mund të duket e çuditshme por është e vërtetë. Prindërit do të shkojnë në gjyq pasi i vendosën vogëlushes së tyre një emër të papërshtatshëm.

Ata donin të quanin vogëlushen e tyre Liam, gjë që sipas qeverisë franceze nuk lejohet pasi kanë zgjedhur një emër tradicional meshkujsh për një femër.

Prokurori tha se emri mund të ishte në kundërshtim me interesin e fëmijës dhe do i dëmtonte marrëdhëniet shoqërore në të ardhmen.

Franca njihet për rreptësi kur bëhet fjalë për emrat e foshnjave, dhe kjo lloj seance gjyqësore nuk është e pazakontë.

Disa prindër tjerë janë ndaluar të emërtonin fëmijët e tyre Nutella, Strawberry dhe Manhattan.