Avioni me 70 pasagjerë përplaset me aeroportin, 50 viktima

Një aeroplan me më shumë se 70 pasagjerë është rrëzuar gjatë uljes në aeroportin më të madh të Nepalit, duke vrarë të paktën 50 persona.

Ekipet e shpëtimit kanë nxjerrë trupat nga rrënojat e avionit të shkatërruar, i cili shpërtheu në flakë pak pas përplasjes.

Sipas “BBC”, avioni u përplas në pistën e aeroportit gjatë uljes.

Një i mbijetuar që arriti të thyente dritaren dhe të dilte para se avioni të shpërthente në flakë.

Duke ofruar ngushëllimet e tij, Kryeministri i Nepalit premtoi një hetim të menjëhershëm.

Njëzet të plagosur janë dërguar me urgjencë në spital.