Xhensila Myrtezaj është shtatzënë! Zbulohet gjinia e foshnjës

Janë përfolur prej kohësh se do të bëhen prindër, por as Xhensila Myrtezaj dhe as Bes Kallaku nuk janë prononcuar publikisht

Megjithatë, dikush duket se ka zbuluar sekretin e tyre, pasi burime të sigurta pranë çiftit kanë treguar se Xhensila është disa muajshe shtatëzënë.

Ajo dhe aktori i humorit, Bes Kallaku, celebruan dashurinë e tyre në martesë më 1 shtator të vitit të kaluar, ndërsa ndodheshin prej vitesh në një lidhje.

Por tanimë Xhensila Myrtezaj duket se do të bëhet nënë dhe pret fëmijën e saj të parë me aktorin.

Burimet tregojnë për “Iconstyle.al” se bukuroshja ndodhet në muajin e pestë të shtatzënisë.

Madje është zbuluar edhe gjinia e foshnjës: Xhensila dhe Besi janë në pritje të një vajze.

Si ka lindur historia e Xhensilës dhe Besit?

Shkëndija e parë ka qenë në vitin 2010 kur Xhensila, 17 vjeçe po ecte në rrugë me nënën dhe Besi e kishte spikatur teksa bënte xhiro me makinë.

Duke rrëfyer momentin që e pa, Xhensila shprehet se:

Ka qenë rastësi. Nuk thonë kot, rastësia mbret i botës.

Unë kam qenë me mamin. Ai na ka ndaluar duke i thënë mamit tim që ke një vajzë shumë të bukur dhe ia lumturoftë Zoti. Mami im si një dashamirëse e madhe tij e mirëpriti komplimentin, madje i tha se, edhe vajza e saj (dmth unë) është artiste.

Aty Besit iu kujtova dhe e bëri lidhjen.

Nga ai çast e mbrapa nuk ndaloi së kërkuari për mua, deri sa më gjeti e më bëri për vete. Kështu nisi një lidhje dashurie shumë e lumtur. Falenderoj Zotin që na bashkoi rrugët e fatit."