Vrau vëllanë, nusen e vëllait shtatzënë dhe nipin, dënohet “monstra” e Beratit

Është dënuar me burgim të përjetshëm nga Gjykata e Beratit Luan Marra.

Ai akuzohet për vrasjen e vëllait, Shpëtim Marrës, nuses së vëllait, Florie Marrës e cila ishte shtatzënë në momentin që ka ndodhur krimi, si dhe për vrasjen e nipit të tij 2-vjeçar, Artiol Marra.

Ngjarja e rëndë ka ndodhur më 9 shkurt të vitit 2006 në Havaleas të Kosozarës.

Gjykata e m të Beratit ka shpallur fajtor dhe dënon me burgim të përjetshem Luan Marrën për veprat penale: “vrasje në rrethana të tjera cilësuese” dhe “armëmbajtje pa leje”.

Gjykata e Beratit rimori në gjykim dosjen pas vendimit të Gjykatës Kushtetuese për rikthim të çështjes për gjykim nga e para.

Dy herë me radhë, Luan Mara është dënuar me burg të përjetshëm, por në të dyja rastet Kushtetuesja e ka rikthyer çështjen për gjykim nga e para.

Dyshimi mbi të cilin u bazua fajësia e tij kishte të bënte në lidhje me një marrëdhënie të mundshme mes tij dhe gruas së vëllait dhe se shtatzënia e Flories ishte pasojë e kësaj marrëdhënieje.