Pse asnjë avion nuk mund të fluturojë mbi shtëpinë luksoze të Messit?

Kohët e fundit kanë nisur të qarkullojnë fjalët se asnjë avion nuk mund të fluturojë mbi shtëpinë e Lionel Messit, por deri pak më parë askush nuk e konfirmoi këtë fakt, e aq më tepër të tregonte arsyen pse.

Ka qenë pikërisht Javier Sanchez-Prieto, shef i përgjithshëm i agjencisë së fluturimeve “Vueling”, i cili është shprehur se zona përreth shtëpisë së Messit në Barcelonë ka kufizim për avionët.

Shtëpia e yllit të futbollit ndodhet rreth 10 km larg aeroportit, një prej më të populluarve në botë. Të shumta kanë qenë thashethemet mbi këtë fakt, por e vërteta është tërësisht e thjeshtë.

Sipas autoriteteve, në Gava, vendin ku ndodhet shtëpia e Messit, ka gjallesa të cilat janë në rrezik zhdukje dhe zhurmat e forta të motorëve të avionëve mund të shpërqendrojnë këto gjallesa, të ndikojnë negativisht tek to, ç'ka si rrjedhojë sjell prishjen e ekosistemit.

Siç e kuptuat, e gjitha ka lidhje me mjedisin dhe aspak me shtëpinë e yllit të Barcelonës.