613 kg kokainë nga Kolumbia/ Agjentët amerikanë "zbarkojnë" në Durrës

Sekuestrimi i sasisë rekord të kokainës nga Kolumbia duket se e ka bërë që shumica e agjencive të anti-drogës të kthejnë sytë nga vendin ynë.

Pas ndalimit dhe sekuestrimit nga policia të 613 kg kokainë dhe arrestimit të dy personave që po e transportonin, të tjera zhvillime interesante vijnë ditën e sotme nga porti i Durrësit.

Në qytetin bregdetar kanë "zbarkuar" ekspertët amerikane të DEA-s, për të verifikuar procedura që janë ndjekur në këtë rast.

Ekspertët mendohet se po shqyrtojnë gjithçka që nga mbërritja, vonesat dhe sekuestrimi i kokainës.

Sipas "Syri.net", ata kanë hyrë në Shqipëri nga Pika Kufitare e Kakavijës, të pajisur me pasaportë diplomatike.

Theksojmë nga ana tjetër se qendra e antidrogës amerikane qëmbulon rajonin e Ballkanit është në Athinë.

Mësohet se agjentët specialë kanë kontrolluar mënyrën e procedimit të Agjencive në Portin e Durrësit në lidhje me hetimin e kokainës.