Plas në mes të rrugës, shoferi heq rripin e pantallonave dhe bën kërdinë

Sherret midis shoferëve nuk kanë munguar as në rrugët e Londrës. Këtë e tregon një video që është postuar së fundmi.

Pamjet tregojnë një shofer kamioni që zbret nga automjeti i tij dhe kërkon të sqarohet me një shofer tjetër që kishte bllokuar rrugën.

Më pas mes tyre nis përleshja fizike, ku njëri heq edhe rripin e pantallonave dhe godet shoferin tjetër. Në video dallohet edhe se shoferi tjetër është shtrirë në tokë gjatë momentit që tjetri po e gjuan me rrip.

Policia ka bërë me dije se është njoftuar për rastin por kur kanë shkuar në vend ngjarje nuk ka mundur t'i gjej dy shoferët, pasi ishin larguar.