Kapet "Koka e Bardhë", baroni i drogës me fytyrë të ndryshuar që i shpëtoi për 30 vite pol

Ai është cilësuar si një ndër baronët më të mëdhenj të kokainës në histori dhe ka mundur t'i shpëtojë policisë për tre dekada me radhë duke ndryshuar pamjen e fytyrës së tij përmes operacioneve të shumta plastike. Më në fund autoritetet në Brazil kanë mundur ta vënë në pranga.

Quhet Luiz Carlos da Rocha, i njohur edhe me emrin "White Head" (koka e bardhë) dhe është arrestuar në Mato Grosso, në qytetin Sorriso, që do të thotë buzëqeshje (emri i qytetit).

Da Rochan ka ndërruar emrin në Vitor Luiz de Moraes dhe i është nënshtruar disa operacioneve kirurgjikale në fytyrë ndërsa i shpëtonte policisë dhe vijonte të drejtonte biznesin e tij ndërkombëtar të drogës.

"Dora" e tij e djathtë u arrestua pak pasi de Rocha u vu në pranga, gjatë një operacioni ku morën pjesë mbi 150 agjentë policie dhe u sekuestruan 24 automjete luksoze me vlerë mbi 10 milionë dollarë si dhe avionë, ferma e prona të tjera.