Plas grushti në Vorë, banorët e Domjes zënë me ‘hu’ Mediun dhe Fiqon

Tashmë është zyrtare: Partia Demokratike kandidon si deputet të Bashkisë Vorë

pikërisht Fatmir Mediun, e akuzuar për shpërthimin e Gërdecit. Ngjarja e rëndë i mori

jetën 26 personave në marsin e vitit 2008 ndërsa Mediu ishte ministër i Mbrojtjes.

Por ky vendim erdhi për dy arsye. Së pari kryebashkiaku i Vorës është krushku i Fatmir

Mediut. Vajza e këtij të fundit ka marrë pikërisht për burrë pak kohë më parë djalin e

Fiqiri Ismailit.

Burime nga fshati Domje, pjesë e Bashkisë Vorë, bëjnë të ditur se një takim me grup-

seksionet e PD-së të enjten ka dështuar. Kanë qenë vetë demokratët që janë ngritur jo

kundër kandidaturës së Fatmir Mediut sesa punëve të dobëta të Bashkisë.

Debati ka degjeneruar në akte dhune, ndërsa janë përzënë me forcë Fiqiri Ismaili,

Fatmir Mediu si dhe shoqëruesit e tyre. Demokratët janë shprehur të zhgënjyer nga

premtimet e Partisë Demokratike dhe u kanë kërkuar që të mos shkelin më në Domje.

Pas shpërthimit të Gërdecit, qeveria Berisha si dhe kreu i Bashkisë së Vorës kanë

dëmshpërblyer banorët më shumë sesa u takonte për dëmet materiale kryesisht të

shtëpive. Kjo jo vetëm për t’u mbyllur gojën, por edhe për t’i blerë për zgjedhjet nga viti

2008 e në vazhdim.

Por duket se vetë demokratët janë të irrituar me premtimet e çdo fushate nga ana e PD

që edhe pse kontrollon pushtetin lokal në zonë, u premton të njëjtat gjëra çdo dy vite

që ka zgjedhje vendore apo të përgjithshme.

"THEALBANIANTIMES"